Ek din 3 ghante kaam karna...

Ya roz 30 minute kaam karna?

Dono ka total time dekho to almost same hi hai.

Sunday ko 3 ghante 30 minute.

Ya Monday se Sunday tak roz 30 minute.

Time to same hi hua.

Lekin...

Kya consistency bhi same hui?

Mere khyal se nahi.

Aur main ye isliye nahi bol raha kyuki maine consistency ka koi formula padh liya hai.

Bas mujhe aisa lagta hai.

Jab hum kisi cheez ko seekhna ya banana start karte hain na, to sabse important cheez sirf kitna time diya wo nahi hota.

Ye bhi important hai ki...

Kitni baar wapas aaye.

Maan lo mujhe koi kaam seekhna hai.

Main Sunday ko baith gaya.

3 ghante 30 minute lagaye.

Bahut saara kaam kar liya.

Phir Monday ko nahi kiya.

Tuesday ko nahi kiya.

Wednesday ko bhi nahi.

Phir agle Sunday ko baith gaya.

Aur phir 3 ghante.

Kya main consistent hoon?

Technically dekho to maine time to diya.

Lekin mere khyal se ye consistency nahi hai.

Consistency mere liye shayad ye hai ki...

Roz thoda sa karo.

30 minute.

Bas 30 minute.

Ho sakta hai kisi din 30 minute bhi mushkil ho.

To 15 minute.

Kabhi 10 minute.

Lekin connection tootna nahi chahiye.

Kyuki mujhe lagta hai ki jab hum kisi kaam ko roz thoda-thoda karte hain, to wo kaam dimaag me zinda rehta hai.

Kal kya karna hai, ye sochne me bhi time kam lagta hai.

Aaj jahan chhoda tha...

Kal wahi se continue kar sakte ho.

Aur sabse important...

Dobara shuru karne ka pressure nahi hota.

Ek hafte baad kisi kaam ko kholna alag feeling hai.

Aur kal hi chhoda hua kaam aaj continue karna alag.

Ye difference chhota lagta hai.

Lekin shayad hai nahi.

Mujhe lagta hai consistency ka matlab ye bhi nahi hai ki har din 2 ghante kaam karna hi hai.

Kabhi time milega.

Kabhi nahi milega.

Kabhi energy hogi.

Kabhi bilkul nahi hogi.

To phir kya karein?

Mere hisaab se...

Habit ko bada mat rakho. Bas usko zinda rakho.

30 minute bahut zyada nahi hai.

Lekin 30 minute roz...

Ek mahine me kaafi time ho jata hai.

Aur usse bhi zyada important hai ki aapne us kaam ko apni daily life ka part bana diya.

Jaise brush karna.

Jaise phone check karna.

Waise nahi keh raha ki exactly utna automatic ho jayega.

Lekin dheere-dheere dimaag ko pata chalne lagta hai...

“Haan, ye kaam bhi karna hai.”

Aur mujhe lagta hai yahi consistency hai.

Kisi din bahut motivation ho aur 5 ghante kaam kar liya...

Achhi baat hai.

Lekin agle 6 din kuchh nahi kiya...

To us 5 ghante ka kya?

Isliye mujhe Sunday ke 3.5 ghante se zyada...

roz ke 30 minute pasand hain.

Kyuki 30 minute mujhe sirf kaam nahi karwate.

Wo mujhe us kaam se connected rakhte hain.

Aur shayad long term me wahi connection zyada important hai.

Aaj thoda.

Kal thoda.

Phir uske agle din thoda.

Kabhi kam.

Kabhi zyada.

Lekin wapas aate rehna.

Mujhe lagta hai consistency ka asli matlab yehi hai.

Har din perfect hona nahi.

Har din bahut saara kaam karna bhi nahi.

Bas...

Apne kaam ko kal ke liye bilkul ajnabi mat hone dena.

Aaj 30 minute kiya.

Kal phir 30 minute.

Ek mahine baad peeche mudkar dekhoge to shayad lagega...

“Achha... itna kaam ho bhi gaya.”

Aur ye kaam kisi ek Sunday ke 3.5 ghante se shayad nahi hota.

Isliye mera simple rule hai.

Agar mujhe kisi cheez me aage badhna hai...

To main uske liye har din thoda time nikalne ki koshish karunga.

30 minute ho...

To 30 minute.

Kyuki consistency ka matlab zyada karna nahi hai.

Consistency ka matlab hai...

kal bhi karna.

Aur uske agle din bhi.